Lukaşenko Belarus ordusunu quru əməliyyatlarına hazır olmağa çağırıb

Belarus ordusunun ölkəyə mümkün hücuma qarşı hazırlığı yoxlanılmalıdır.

APA xəbər verir ki, bunu Belarus Prezidenti Aleksandr Lukaşenko hərbçilərlə görüşündə bildirib.

Onun sözlərinə görə, müasir münaqişələr göstərir ki, quru əməliyyatı olmadan qələbə qazanmaq mümkün deyil.

“ABŞ, İsrail və İranın qatıldığı son münaqişə. Bombardman etdilər, raketlər atdılar. Bəs nə oldu, qələbə qazandılar? Xeyr. Quru əməliyyatsız heç bir nəticə əldə etmək mümkün deyil”, - Belarus lideri qeyd edib.