Azərbaycanda bank hesabı olanların payı 85%-ə çatdırılacaq

Azərbaycanda 2030-cu ilə qədər bank hesabı olan istifadəçilərin sayının yetkinlik yaşına çatmış bütün əhalinin sayına nisbətinin 85 faizə çatdırılması planlaşdırılır.

“APA-Economics” xəbər verir ki, bu, Prezident İlham Əliyevin təsdiq etdiyi "Maliyyə inklüzivliyinin genişləndirilməsinə dair 2027–2030-cu illər üçün Dövlət Proqramı"nda öz əksini tapıb.

Dövlət Proqramına əsasən, 2025-ci ildə bu göstərici 70,7% səviyyəsində olub.

Bundan əlavə, hər 100 min yetkin şəxsə düşən bankomatların sayının 46-ya, POS-terminalların sayının isə 2400-ə çatdırılması planlaşdırılır.