"The Economist": Zelenski daha 2-3 il müharibəyə hazırlaşmağa göstəriş verib

Ukrayna Prezidenti Volodimir Zelenski müharibənin daha bir neçə il uzana biləcəyi ehtimalını nəzərə almaq və buna hazırlaşmağa göstəriş verib.

Bu barədə “The Economist” Ukrayna hökumətindəki anonim mənbələrə istinadən məlumat yayıb.

Məlumata görə, Ukrayna döyüş meydanında son bir neçə ildə müsbət nəticələr əldə edib. Belə ki, “ukraynalı komandirlər dronlar vasitəsilə Rusiyanın quru əməliyyatlarını puça çıxarmağa müvəffəq olublar və son bir neçə aydır Ukrayna ordusu Rusiyanın yerini doldura biləcəyi saydan daha çox rus hərbçisi öldürüb”.

Mənbələrin fikrincə, sülh danışıqları yayda başlaya bilər, amma ən böyük ehtimal budur ki, müharibə tərəflərdən biri təslim olana qədər davam edəcək.