Stoltenberq: “NATO Ukraynanı daha çox “Patriot”la təmin etmək imkanlarını nəzərdən keçirəcək”

NATO-ya üzv ölkələr Ukraynanı daha çox hava hücumundan müdafiə sistemləri, xüsusilə “Patriot” sistemləri ilə təmin etmək imkanlarını nəzərdən keçirmək niyyətindədir.

APA xəbər verir ki, bunu NATO-nun Baş katibi Yens Stoltenberq alyans ölkələrinin xarici işlər nazirlərinin Brüsseldə keçirilən görüşündən sonra deyib.

“Müttəfiqlər yardımın vacibliyini başa düşürlər. Onlar hava hücumundan müdafiə sistemlərinin göndərilməsinin də zəruriliyini anlayırlar”, - Stoltenberq vurğulayıb.