Çin Pakistanın İran-ABŞ vasitəçilik səylərinə dəstək verəcək

Çin İran və ABŞ arasında münaqişənin həlli istiqamətində Pakistanın vasitəçilik təşəbbüslərini dəstəkləyəcəyini açıqlayıb.

APA xəbər verir ki, bu barədə Çinin xarici işlər naziri Van İ Nyu-Yorkda pakistanlı həmkarı İshaq Darla görüşündə bildirib.

Van İ qeyd edib ki, Pakistan danışıqlarda fəal və etibarlı vasitəçi rolunu oynayır. O vurğulayıb ki, Pekin bütün tərəflərin dialoq və danışıqlara sadiq qalmasını, atəşkəsin möhkəmlənməsini və Yaxın Şərqdə sabitliyin bərpasını dəstəkləyir.