Qalibaf: Son bir ildə Azərbaycan-İran əlaqələrində daha böyük inkişaf müşahidə olunur

Son bir il ərzində Azərbaycan və İran arasında əlaqələrdə daha böyük inkişaf müşahidə olunur, xüsusilə iki ölkənin prezidentləri arasında müntəzəm təmaslar var.

APA xəbər verir ki, bunu İran İslam Respublikası İslam Şurası Məclisinin sədri Məhəmməd Baqer Qalibaf Bakıda Milli Məclisin sədri Sahibə Qafarova ilə görüşdə deyib.

O, müharibə dövründə Azərbaycan dövləti və xalqının atdığı addımlara, göstərdiyi humanitar yardımlara görə minnətdarlığını bildirib və bunların İran xalqı üçün çox dəyərli olduğunu vurğulayıb.