Aşura günü ilə əlaqədar qanvermə aksiyasında indiyədək 486 donor iştirak edib

Aşura günü ilə əlaqədar saat 10:00-a olan məlumata əsasən, respublika üzrə 486 donor qanvermə aksiyasında iştirak edib.

APA xəbər verir ki, bunu Səhiyyə Nazirliyinin Qan bankının icraçı direktoru Elxan Nağıyev jurnalistlərə açıqlamasında bildirib.

Onun sözlərinə görə, qanvermə aksiyası 30 şəhər üzrə 40 məntəqədə keçirilir. Onlardan 24-ü məscid və ziyarətgah, 15-i tibb müəssisəsi, 1-i isə təhsil müəssisəsidir.

“Aksiya 16:00-dək davam edəcək. Aksiya zamanı toplanan qan hemofiliya və talassemiya, həmçinin digər xəstəliklərdən əziyyət çəkən insanların müalicəsində istifadə olunacaq”, - Elxan Nağıyev qeyd edib.