Keçmiş məcburi köçkün: Kərkicahana qayıtmaq qürurvericidir

"Kərkicahandan üçüncü sinifdə oxuyanda çıxmışdım. Məcbur qalıb doğma yurdumuzu tərk etdik".

APA xəbər verir ki, bunu bu gün Xankəndi şəhərinin Kərkicahan qəsəbəsinə köçürülən keçmiş məcburi köçkün Musa Nəsirov deyib.

O bildirib ki, ailəsi Kərkicahandan məcburi köçkün düşdükdən sonra əvvəlcə Xocalıda, daha sonra isə müxtəlif bölgələrdə məskunlaşıblar:

"Bu gün Goranboy rayonundan Kərkicahana qayıtdıq. Çox qürurverici hadisəyə şahidlik edirik. Çox sevincliyəm. Allah bütün şəhidlərimizə rəhmət eləsin. Allah Prezidentimizə, qazilərimizə can sağlığı versin".