Qalibaf: İran, ABŞ və Livan atəşkəsə nəzarət üçün birgə komitə yaradacaq

İran, ABŞ və Livan Livan ərazisində atəşkəs rejiminə nəzarət məqsədilə üçtərəfli işçi komitə yaratmaq niyyətindədir.

Bu barədə İran parlamentinin sədri Məhəmməd Bager Qalibaf ölkəsinin dövlət televiziyasına müsahibəsində bildirib.

"İran, ABŞ və Livanın iştirakı ilə Livanın dövlət suverenliyinin təmin edilməsi üçün birgə komitə yaradılacaq. Ölkəmizin Livandakı səfiri də bu komitədə nümayəndəmiz olacaq", – deyə Qalibaf qeyd edib.

Xatırladaq ki, ABŞ və İran bu ay bütün cəbhələrdə, o cümlədən Livanda hərbi əməliyyatların dərhal dayandırılmasını nəzərdə tutan anlaşma memorandumu imzalayıblar.