Tbilisidə tələbələr parlament binasının ətrafında etiraz aksiyası keçirəcəklər

Tbilisidə tələbələr sabah parlament binasının ətrafında növbəti etiraz aksiyası keçirəcəklər.

APA-nın Tbilisi müxbiri xəbər verir ki, hakim partiyanın “Xarici təsirin şəffaflığı haqqında” qanun layihəsinə etiraz edən müxtəlif universitetlərin tələbələri sabah saat 10:00-da parlament binasına yürüş edəcəklər.

Qeyd edək ki, qanun layihəsi sabah parlamentin plenar sessiyasında sonuncu oxunuşa çıxarılaraq səsə qoyulacaq.

Sessiya yerli vaxtla saat 12:00-da başlayacaq.