Tavuş sakinlərinin bağladığı Ermənistan-Gürcüstan yolu açılıb

Tavuşun Kirants kəndinin Azərbaycanla sərhədlərin delimitasiyası üzrə razılaşmaya etiraz edən sakinləri tərəfindən mayın 16-dan etibarən bağlı olan Ermənistan-Gürcüstan yolu açılıb.

APA-nın xəbərinə görə, bu barədə “Sputnik-Armenia”ya kənd sakinləri məlumat verib. Bildirilib ki, kəndə aparan yoldakı nəzarət postu da artıq oradan götürülüb.

Müvafiq qərar kənd sakinlərinin Tavuş vilayətinin qubernator Ayk Qalumyanla görüşündən sonra qəbul edilib.