Rumıniya Prezidenti daha bir PUA-nın F-16 qırıcısı tərəfindən vurulduğunu açıqlayıb

Rumıniya Prezidenti Nikuşor Dan bildirib ki, bu səhər ölkənin hava məkanında aşkarlanan daha bir pilotsuz uçuş aparatı F-16 qırıcısı tərəfindən məhv edilib.

APA xəbər verir ki, Rumıniya Prezidenti bu barədə X sosial şəbəkəsində paylaşım edib.

Onun sözlərinə görə, PUA Dunay deltasında, Sfıntu-Qeorqe yaşayış məntəqəsindən təxminən 10 kilometr qərbdə vurulub.

Nikuşor Dan hadisə ilə bağlı məlumatların araşdırıldığını və aidiyyəti qurumların vəziyyəti izlədiyini qeyd edib.

Qeyd edək ki, Rumıniya Hərbi Hava Qüvvələrinə məxsus F-16 qırıcısı dünən ölkənin hava məkanını pozan pilotsuz uçuş aparatını (PUA) məhv edib.