Konqoda üsyançıların lideri öldürülüb

Konqo Demokratik Respublikasında (KDR) çevrilişə cəhd edən üsyançıların lideri öldürülüb.

APA xəbər verir ki, bu barədə "Actu30" məlumat yayıb.

“Mayın 19-da Millət Sarayına basqın edən hücumçuların lideri Kristian Malanqa ordu tərəfindən öldürülüb”, - deyə nəşr bildirib.

Nəşrin məlumatına görə, üsyançılar Zair Respublikasının (1971-1997-ci illərdə KDR belə adlanırdı) bayraqlarını tutub və özlərini diaspor nümayəndələri kimi təqdim ediblər.