Moskva vilayətində hosteldə yanğın olub, 6 nəfər ölüb

Moskva vilayətində hosteldə yanğın baş verib.

APA-nın Rusiya bürosu xəbər verir ki, yanğın nəticəsində 6 nəfər ölüb, 2 nəfər yaralanıb.

Yanğın bu gün səhər saat dörd radələrində Moskva vilayətinin İstra şəhərinin Padikovo kəndində baş verib. Yanğının sahəsi 80 kvadrat metr olub. Fövqəladə Hallar Nazirliyinin əməkdaşları yanğının söndürülməsi zamanı 6 nəfərin meyitini aşkarlayıblar.

Hazırda ölənlərin şəxsiyyəti dəqiqləşdirilir. Daha iki nəfər xəstəxanaya yerləşdirilib.