Dövlət katibi: ABŞ COP29-u uğurlu etmək üçün Azərbaycanla sıx əməkdaşlıq etməyi səbirsizliklə gözləyir

Birləşmiş Ştatlar Azərbaycanın Bakıda COP29-a ev sahibliyi etməsini alqışlayır.

APA xəbər verir ki, bu barədə ABŞ dövlət katibi Entoni Blinkenin 28 May - Müstəqillik Günü münasibətilə Azərbaycan xalqına təbrikində deyilir.

"Birləşmiş Ştatlar Azərbaycanın Bakıda COP29-a ev sahibliyi etməsini alqışlayır və biz uşaqlarımız və nəvələrimizə daha dayanıqlı və davamlı iqlim gələcəyi təmin etmək məqsdilə COP-u uğurlu etmək üçün Azərbaycan hökuməti ilə sıx əməkdaşlıq etməyi səbirsizliklə gözləyirik", - Blinken vurğulayıb.