Aİ lideri: Ukraynanın HHM sistemləri ilə təmin olunması üçün çalışırıq

Avropa İttifaqı Ukraynanın anti-ballistik qabiliyyətinin dəstəklənməsi üçün çalışır.

APA xəbər verir ki, bunu Avropa Komissiyasının Prezidenti Ursula Fon der Lyayen “X” hesabında bildirib.

O, Aİ üzv dövlətlərinin və tərəfdaş ölkələrin Ukraynanın Hava Hücumundan Müdafiə potensialının gücləndirilməsi üçün birgə işlədiyini deyib.

Qeyd edək ki, Ukrayna Prezidenti Volodimir Zelenski ölkənin Rusiyanın hücumlarından qorunması üçün “Patriot” və digər Hava Hücumundan Müdafiə sistemlərinə ehtiyacı olduğunu vurğulayıb.