Ağdamda qayınatasını bıçaqlayaraq öldürməkdə şübhəli bilinən 5 uşaq atası saxlanılıb

Ağdam rayonunda qətl törədilib.

APA-nın Qarabağ bürosu xəbər verir ki, hadisə Səfərli qəsəbəsində ailədaxili münaqişə zəminində baş verib.

Rayon sakini, 1996-cı il təvəllüdlü, beş uşaq atası Qənbərov Eldəniz Elşən oğlu qayınatası, 1969-cu il təvəllüdlü Hüseynov Zakir Cəlil oğlunu bıçaqlayaraq öldürüb.

Zakir Hüseynov aldığı ağır xəsarətlərdən hadisə yerində ölüb.

Hadisəni törətməkdə şübhəli bilinən Eldəniz Qənbərov saxlanılıb. Faktla bağlı cinayət işi başlanılıb, araşdırma aparılır.