Kriptobirjada son durum: “Bitcoin” cüzi bahalaşıb

Kriptovalyuta bazarında son sutka ərzində əsas aktivlərdə qarışıq dinamika müşahidə olunub.

“APA-Economics” xəbər verir ki, “CoinMarketCap” platformasında “Bitcoin” son 24 saatda 0,06% bahalaşaraq 77 613,35 ABŞ dollarına yüksəlib.

“Ethereum” 0,65% ucuzlaşaraq 2 400,46 dollara, “Zcash” 2,57% azalaraq 817,69 dollara, “Bittensor” isə 1,24% geriləyərək 217,60 dollara düşüb. BNB 0,61% bahalaşaraq 692,05 dollara, “Monero” isə 0,07% artaraq 516,08 dollara yüksəlib.

Qızıl əsaslı kriptovalyutalarda daha güclü bahalaşma qeydə alınıb. “PAX Gold” (PAXG) son 24 saatda 3,16% bahalaşaraq 4 434,51 dollara, “Tether Gold” (XAUT) isə 3,07% artaraq 4 421,18 dollara çatıb.

“CoinMarketCap 20” indeksi son sutkada 0,24% artaraq 159,02 bənd təşkil edib.

Qeyd edək ki, “Bitcoin”in 77–78 min dollar ətrafında qalmasına ABŞ-da faiz dərəcələri ilə bağlı qeyri-müəyyənlik və geosiyasi risklər təsir göstərir. Qızıl əsaslı tokenlərin kəskin bahalaşmasına isə dolların və ABŞ istiqrazlarının gəlirliliyinin zəifləməsi fonunda qızılın qiymətinin yüksəlməsi dəstək verib. İnvestorların diqqəti FED-in növbəti faiz qərarına təsir göstərə biləcək ABŞ əmək bazarı göstəricilərinə yönəlib.