İspaniyanın müvəqqəti işlər vəkili İsrail XİN-ə çağırılıb

İspaniyanın müvəqqəti işlər vəkili İsrail İ Xarici İşlər Nazirliyinə çağırılıb.

APA xəbər verir ki, bu barədə İsrail Xarici İşlər Nazirliyi məlumat yayıb.

Bildirilib ki, İspaniyanın müvəqqəti işlər vəkili Fransiska Pedros İsrail XİN-in Siyasi-Strategiya Məsələləri İdarəsinin rəhbəri Gilad Koen tərəfindən qəbul edilib, diplomata irad bildirilib.

Buna səbəb İspaniyanın gənclər naziri Sira Reqonun sentyabrın 24-də İspaniya cəmiyyətinin “çaydan dənizə qədər azad Fələstin” mövqeyini dəstəklədiyini bildirməsi olub.

İsrail Xarici İşlər Nazirliyi Reqonun açıqlamasını İspaniya hökuməti və Baş nazir Pedro Sançesin yürütdüyü “sistemli anti-İsrail siyasətinin” bir hissəsi kimi qiymətləndirib.

Qeyd edək ki, Reqo bundan əvvəl də İsrailin Qəzzadakı siyasətini tənqid edib və Fələstin dövlətinin tanınmasını dəstəkləyən mövqe səsləndirib.