Rusiya XİN xarici vətəndaşlar və diplomatların Kiyevi tərk etməsi ilə bağlı təkrar xəbərdarlıq edib

Rusiya Xarici İşlər Nazirliyi xarici vətəndaşların və diplomatların Kiyevi tərk etməsi ilə bağlı təkrar xəbərdarlıq edib.

APA-nın Moskva bürosu xəbər verir ki, bu barədə Rusiya Xarici İşlər Nazirliyi məlumat yayıb.

"Rusiya Silahlı Qüvvələri kütləvi cavab zərbələri endirməyə davam edəcək. Rusiya Xarici İşlər Nazirliyi diplomatik missiyanın əməkdaşları da daxil olmaqla, xarici vətəndaşlara Ukraynada qalmamaq və ya onun ərazisinə səyahət etməmək barədə xəbərdarlıq edir", - deyə Rusiya XİN-nin açıqlamasında bildirilib.