Bakıda sürücü sərnişinləri avtobusda qoyub taksi ilə getdi - Video

Avtobus sürücüsü gecəyarı sərnişinləri yolda qoyub.

“Qafqazinfo” xəbər verir ki, bununla bağlı “Oxu.az”a sərnişinlər məlumat veriblər.

Onların iddiasına görə, 5 nömrəli marşrut xətti üzrə hərəkət edən avtobusun sürücüsü gecə saat 00:00 olduqda avtobusu dayanacaqda saxlayıb, sərnişinləri düşürüb. Sürücü sərnişinlərə başqa bir avtobusun gələcəyini bildirib və ona minməyi tapşırıb.

Sürücünün bu əməlinə etiraz edən sərnişinlər avtobusu tərk etmək istəmədikdə, sürücü mühərriki söndürüb, avtobusun qapılarını açıq qoyaraq taksiyə əyləşib və gedib.

Həmin görüntüləri təqdim edirik: