Husilər yenidən Ər-Riyad aeroportuna hücum edib

Səudiyyə Ərəbistanının paytaxtı Ər-Riyadda yerləşən Kral Xalid Beynəlxalq Hava Limanı yenidən hücuma məruz qalıb.

Bu barədə "Associated Press" agentliyi iki rəsmiyə istinadən məlumat yayıb.

Məlumata görə, hava limanı boşaldılıb və uçuşlar dayandırılıb.

Aeroport rəhbərliyi isə sərnişinləri hava limanına getməzdən əvvəl uçuşlarının vəziyyətini aviaşirkətlərlə yoxlamağa çağıran bəyanat yayıb.

Qeyd edək ki, ötən gün Kral Xalid Beynəlxalq Hava Limanına edilən hücumlar nəticəsində üç nəfər ölüb.