Ermənistan “Uşaq Avroviziya 2026”nın qalibi olub

Maltada keçirilən “Uşaq Avroviziya 2026” Mahnı Müsabiqəsinin qalibi Ermənistan təmsilçisi Nare olub.

APA xəbər verir ki, Nare “Boo” adlı mahnısı ilə münsiflər heyətinin səsverməsindən 103, xalq səsverməsindən isə 99 xal toplayaraq müsabiqənin qalibi olub.

Müsabiqəni Ermənistanla yanaşı, İspaniya və Fransa təmsilçiləri ilk üçlükdə başa vurublar. Şimali Makedoniya təmsilçisi isə 57 xalla sonuncu yeri tutub.

Qeyd edək ki, Ermənistan sonuncu dəfə 2021-ci ildə Parisdə keçirilən “Uşaq Avroviziya” Mahnı Müsabiqəsində qalib olub. Narénin qələbəsi Ermənistanın müsabiqə tarixində üçüncü qələbəsi olub.

Xatırladaq ki, Azərbaycan “Uşaq Avroviziya 2026” Mahnı Müsabiqəsində iştirak etməyib.