İsrail Colana atılan raketin “Hizbullah”ın arsenalına aid olduğunu açıqlayıb

İsrail hərbçiləri Colanda duruzların yaşadığı Məcdəl Şəms kəndinə hücumun “Hizbullah” hərəkatının arsenalından İrana məxsus “Fələq-1” raketi ilə həyata keçirildiyini güman edir.

APA xəbər verir ki, bunu jurnalistlərə İsrailin Müdafiə Qüvvələrinin rəsmi nümayəndəsi Daniel Haqari deyib.

“Fələq-1 raketi futbol meydançasına düşüb. Bu, İran istehsalı olan raketdir, döyüş başlığı 50 kq-dan çox partlayıcı daşıya bilir”, - deyə o, açıqlaması zamanı deyib.

Qeyd edək ki, İsrail hökuməti hücum səbəbilə Livan və “Hizbullah”ı günahlandıraraq, sərt cavab verəcəyini vəd edib.

Öz növbəsində isə “Hizbullah” hadisə ilə əlaqəsini inkar edir.