ABŞ Colan hücumunun arxasında "Hizbullah"ın dayandığını bildirir

ABŞ Colan təpələrindəki Məcdəl Şəms məntəqəsinə raket hücumunun arxasında "Hizbullah"ın dayandığına dair bütün işarələrin olduğunu bildirib.

APA xəbər verir ki, bu bəyanatla ABŞ dövlət katibi Antoni Blinken çıxış edib.

“Bütün əlamətlər raketin həqiqətən “Hizbullah” tərəfindən atıldığını göstərir. Biz İsrailin öz vətəndaşlarını terror hücumlarına qarşı müdafiə etmək hüququnun arxasındayıq”, - deyən Blinken digər tərəfdən Qəzzada qarşıdurmanı bitirməkdə qərarlı olduqlarını söyləyib.

Qed edək ki, “Hizbullah” təşkilatı Colan təpələrinə atılan raketlə hər hansı bir əlaqəni qətiyyətlə inkar edir.