Polşada daşqınlar nəticəsində ölənlərin sayı 9 nəfərə çatıb

Polşanın cənub-qərbində irimiqyaslı daşqınlar nəticəsində ölənlərin sayı 9 nəfərə çatıb.

APA-nın xəbərinə görə, bu barədə Polşa Nazirlər Kabinetinin iclasında məlumat verilib.

Bununla da daşqın qurbanlarının sayı daha 2 nəfər artıb.

Təbii fəlakətlə əlaqədar 4778 nəfər evlərini müvəqqəti tərk etmək məcburiyyətində qalıb.