Gürcüstanın altıncı Prezidenti Mixeil Kavelaşvili and içib - YENİLƏNİB

Gürcüstanın altıncı Prezidenti Mixeil Kavelaşvili and içib.

APA-nın Tbilisi müxbiri xəbər verir ki, 300 üzvdən ibarət seçicilər kollegiyasının müəyyənləşdirdiyi yeni Prezident, 53 yaşlı keçmiş futbolçu, “Xalqın gücü” hərəkatının üzvü olan Kavelaşvilinin inaqurasiya mərasimi Tbilisidə, parlament binasında baş tutub.

Dövlət başçısı İncil və Konstitusiyaya and içib. Mərasimdə “Gürcü arzusu”nun fəxri sədri Bidzina İvanişvili də iştirak edib. Diplomatik korpus tədbirə dəvət olunmayıb. Qeyd edək ki, müxalifət və sabiq prezident Salome Zurabişvili Kavelaşvilinin legitimliyini tanımadıqlarını bəyan edib.

***

saat 11.32

Gürcüstanın altıncı Prezidenti Mixeil Kavelaşvilinin andiçmə mərasimi keçirilib.

APA xəbər verir ki, bu barədə Gürcü mediası məlumat yayıb.

Səid Babazadə