Suriyada atışmada nəticəsində dörd Suriya əsgəri həlak olub

Suriyanın İdlib vilayətində hüquq mühafizə orqanlarının dörd əməkdaşı naməlum silahlılar tərəfindən öldürülüb.

APA xəbər verir ki, bu barədə “Syria TV” məlumat yayıb.

Məlumata görə hüquq mühafizə orqanlarının əməkdaşları Maaret əl-Numan şəhərinin cənubunda pusquya salınıb.

Hadisə nəticəsində daha bir nəfər yaralanıb və ağır vəziyyətdə xəstəxanaya aparılıb.

Hücumun baş verdiyi əraziyə əlavə qüvvələr cəlb olunub və əməliyyat-axtarış tədbirləri aparılır.