Ebru Gündeş verilişdə keçmiş sevgilisi ilə üz-üzə gəldi

Müğənni Ebru Gündeş “O Səs Türkiyə”də keçmiş sevgilisi ilə qarşılaşıb.

“Qafqazinfo” “CNN TÜRK”ə istinadən xəbər verir ki, veriliş hər il olduğu kimi, bu il də Yeni ilə özəl proqram ilə ekranlara gəlib.

Belə ki, yarışmada iştirak edən şəxslərdən biri də müğənninin keçmiş sevgilisi aktyor Kerem Alışık olub. Qonaq qismində səhnəyə çıxan Kerem Alışık “Getmə, ağlım seninle” mahnısını ifa edib. Münsiflər kürsüsündə əyləşən Ebru Gündeşin ifa zamanı dərhal ona doğru çevrilməsi və ikisinin bir-birinə nəzər salması diqqətdən yayınmayıb. Kerem Alışık münsiflər heyəti arasında keçmiş sevgilisi Gündeşi seçib. Bu görüntülər sosial şəbəkə istifadəçiləri tərəfindən müzakirələrə səbəb olub.

Xatırladaq ki, 1995-ci ildə “Fırtınalar” serialında birgə rol alan Ebru Gündeş və Kerem Alışıkın dostluğu bir müddətdən sonra eşq macərasına dönüb.