Aİ Şurası Rusiyaya qarşı sanksiyaları daha 6 ay müddətinə uzadıb

Bu gün Avropa İttifaqı Şurası Rusiyaya qarşı sanksiyaları daha 6 ay müddətinə - 31 iyul 2026-cı il tarixinədək uzadıb.

APA xəbər verir ki, bu barədə Aİ Şurasının bəyanatında məlumat verilib.

"Rusiyaya qarşı sanksiyalar ilk dəfə 2014-cü ildə tətbiq olunub və 2022-ci ilin fevralından etibarən Rusiya tərəfindən Ukraynaya qarşı edilən əsassız, qanunsuz və təcavüzkar hərbi əməliyyatlara cavab olaraq əhəmiyyətli dərəcədə genişləndirilib", – deyə bəyanatda qeyd edilib.