Əməkdar artist Gülbahar Şükürlü ilə vida mərasimi keçirilir

Əməkdar artist Gülbahar Şükürlü bu gün Buzovna qəsəbəsindəki "Əli ayağı" qəbiristanlığında dəfn olunacaq.

Bu barədə APA-nın sorğusuna cavab olaraq Mədəniyyət Nazirliyindən məlumat verilib.

Bildirilib ki, hazırda mərhumun Buzovnadakı evində vida mərasimi keçirilir: "Vida mərasimindən sonra cənazə dəfn olunmaq üçün Əli ayağı qəbiristanlığına aparılacaq".

Qeyd edək ki, tanınmış qarmon ifaçısı Gülbahar Şükürlü uzun sürən xəstəlikdən sonra dünən vəfat edib.