Hakan Fidan Qırğızıstana səfər edəcək

Türkiyə xarici işlər naziri Hakan Fidan Qırğızıstana səfər edəcək.

APA-nın Türkiyə müxbirinin verdiyi xəbərə görə, bu barədə ölkənin Xarici İşlər Nazirliyi məlumat yayıb.

Qeyd olunub ki, Qırğızıstan XİN rəhbəri Jeenbek Kulubayevin dəvəti ilə 9 yanvar 2024-cü il tarixində baş tutacaq.

Görüşlər zamanı ikitərəfli münasibətlərin bütün aspektlərinin müzakirəsi, eləcə də cari regional hadisələr və beynəlxalq problemlər ətrafında fikir mübadiləsinin aparılması nəzərdə tutulur.