KİV: Venesuelada keçirilən əməliyyat zamanı ABŞ-ın yeddi hərbçisi yaralanıb

ABŞ-ın Venesuelaya qarşı keçirdiyi əməliyyat zamanı yeddi amerikalı hərbçi yaralanıb. APA xəbər verir ki, bu barədə "Fox News" mənbəyə istinadla məlumat yayıb.

Məlumata görə, yaralananlardan beşi artıq xidmətə qayıdıb, digər iki hərbçi isə sağalma prosesini davam etdirir. ABŞ administrasiyasının adı açıqlanmayan rəsmisi bildirib ki, yaralılar yüksək səviyyəli tibbi yardım alırlar və vəziyyətləri yaxşılaşır.

"Associated Press" isə qeyd edir ki, hərbçilər odlu silah və qəlpə yaraları alıblar.