Rusiya XİN ABŞ hərbçilərinin ələ keçirdiyi "Marinera" gəmisində rusiyalıların olduğunu açıqlayıb

Moskva ABŞ hərbçilərinin Rusiya bayrağı altında üzən "Marinera" gəmisini ələ keçirməsi ilə bağlı məlumatları diqqətlə izləyir.

APA-nın Moskva bürosu xəbər ki, bu barədə Rusiya Xarici İşlər Nazirliyinin bəyanatında bildirilib.

Qeyd olunub ki, Rusiya ABŞ-dan "Marinera" gəmisindəki Rusiya vətəndaşlarına qarşı insani və ləyaqətli rəftarın təmin edilməsini və onların hüquq və mənafelərinə hörmətlə yanaşmasını tələb edir.

Bildirilib ki, ABŞ rusiyalıların "Marinera" gəmisindən vətənlərinə tez qayıtmasına mane olmamalıdır.