Ötən il əcnəbilərə 10 mln. manatdan çox “tax free” qaytarılıb

2025-ci ildə xarici vətəndaşlar tərəfindən respublika ərazisində fərdi istehlak üçün alınmış mallara görə dövlət büdcəsindən qaytarılmış ƏDV-nin (“tax free”) məbləği 10 milyon 533,3 min manat təşkil edib.

Bu barədə “APA-Economics” İqtisadiyyat Nazirliyi yanında Dövlət Vergi Xidmətinə istinadən xəbər verir.

Qeyd edək ki, ötən il “ƏDV geri al” layihəsi çərçivəsində 191 mln. manatdan çox vəsait istehlakçılara qaytarılıb.