AYNA: Ötən il xətlərə əlavə 200 avtobus buraxılıb

2022-ci illə müqayisədə ötən il xətlərə əlavə 200 avtobus buraxılıb.

Bu barədə Azərbaycan Yerüstü Nəqliyyat Agentliyindən “APA-Economics”in sorğusuna cavab olaraq bildirilib.

Agentlikdən verilən məlumatda bildirilib ki, hazırda respublika üzrə avtobus parkının təhlili aparılır: “Müntəzəm avtobus marşrutları mərhələli qaydada müsabiqəyə təqdim olunur".

"Müsabiqələrdə balanslarında müasir və saz vəziyyətdə avtobusları olan daşıyıcılar iştirak edir və qalib gələrək xətlərin istismarını həyata keçirirlər”, - deyə vurğulanıb.