Avropada təbii qazın qiyməti 13%-dən çox artıb

Ötən gün hərracların bağlanışında Avropada qazın 1000 kubmetrinin qiyməti 450 ABŞ dollarını ötüb.

“APA-Economics” xəbər verir ki, 16 yanvar tarixində TTF (Niderlandın "Title Transfer Facility"i Avropanın ən likvid virtual satış mərkəzi) indeksi üzrə fevral fyuçerslərinin qiyməti 451,6 dollar təşkil edib, bu da öncəki hesablama qiyməti (398,4 dollar) ilə müqayisədə 13,4% çoxdur.

Qeyd edək ki, 2020-ci il dekabrın 31-dən Trans-Adriatik boru kəməri (TAP) vasitəsilə Avropaya Azərbaycan qazının nəqlinə başlanılıb.