Azərbaycan və ABŞ prezidentləri Sülh Şurasının əhəmiyyətinə toxunublar

Davosda Prezident İlham Əliyevlə Donald Tramp arasında keçirilən görüşdə ABŞ Prezidentinin sədrliyi ilə yaradılan Sülh Şurasının əhəmiyyətinə toxunulub, bu qurumun Yaxın Şərqdə sülhü möhkəmləndirmək, eyni zamanda, qlobal münaqişələrin həllinə töhfə vermək baxımından önəmi qeyd edilib.

Bu barədə APA-nın Davosa ezam olunmuş əməkdaşı xəbər verir.

Sülh Şurasına təsisçi üzv dövlət qismində Azərbaycanın dəvət olunması Azərbaycan-ABŞ strateji tərəfdaşlığının və ölkəmizin dünyada sülhün təşviqində oynadığı rolun təcəssümü kimi qiymətləndirilib.