İsrail İrana məxsus strateji müdafiə sistemlərinə qarşı genişmiqyaslı zərbələri tamamlayıb

İsrail Müdafiə Qüvvələri (IDF) bir qədər əvvəl öz kəşfiyyat məlumatlarına əsaslanaraq, İrana məxsus strateji müdafiə sistemlərinə qarşı genişmiqyaslı zərbələri tamamlayıb.

APA xəbər verir ki, bu barədə IDF məlumat yayıb.

Bildirilib ki, zərbələrdən biri İranın qərbində, Kermanşah bölgəsində yerləşən qabaqcıl SA-65 hava hücumundan müdafiə sisteminə yönəldilib.

Bu zərbələrin məqsədinin İsrail Hərbi Hava Qüvvələrinin İran hava məkanında əməliyyat azadlığının təmin olunması və gücləndirilməsi, eləcə də SEPAH-ın imkanlarını zəiflətmək və İsrail Dövlətinin daxili cəbhəsinə yönələn təhdidlərin qarşısını almaq olduğu qeyd edilib.