Qırğızıstanda kömür mədənində qaz sızması olub, iki nəfər ölüb, 18 nəfər yaralanıb - VİDEO

Qırğızıstanın Batken vilayətində yerləşən kömür mədənində qaz sızması baş verib, iki nəfər ölüb, 18 nəfər yaralanıb.

APA xəbər verir ki, bu barədə Qırğızıstanın 24.kg xəbər agentliyi məlumat yayıb. Qırğızıstan FHN-nin mətbuat xidmətinin məlumatına görə, hadisə "Batken Munay" mədənində qeydə alınıb. Xilasetmə qüvvələri təxminən 200 metr dərinlikdən həlak olmuş iki nəfərin meyitini çıxararaq hüquq-mühafizə orqanlarına təhvil verib.

Dəm qazı ilə zəhərlənmə səbəbindən 18 mədənçi rayon xəstəxanasına müraciət edib. Onların vəziyyəti qənaətbəxş qiymətləndirilir.