İranın İsrailə raket hücumları nəticəsində son sutkada 191 nəfər yaralanıb

İsraildə İranın raket hücumları nəticəsində son sutka ərzində 191 nəfər xəsarət alaraq xəstəxanaya yerləşdirilib.

APA xəbərverir ki, bu barədə İsrailin Səhiyyə Nazirliyi məlumat yayıb.

Yaralananlara həm mülki şəxslərin, həm də hərbçilərin daxil olduğu bildirilir.

Fevralın 28-dən, yəni müharibə başlayandan bəri isə ümumilikdə 2339 nəfər xəstəxanaya köçürülüb, onların əksəriyyəti müalicə edilərək evə buraxılıb.