İran Almaniyanın İordaniyadakı hərbi düşərgəsinə zərbə endirib

İran İordaniyada yerləşən Al-Azraq aviabazasındakı Almaniyanın hərbi səhra düşərgəsinə raket zərbəsi endirib.

APA xəbər verir ki, bu barədə Almaniyanın “Der Spiegel” jurnalı məlumat yayıb.

Məlumata görə, İrandan bazaya bir neçə ballistik raket atılıb.

Bildirilib ki, hadisə zamanı xəsarət alan olmayıb. Çünki Bundesverin bütün hərbçiləri əvvəlcədən sığınacaqlara yerləşdirilib.

Hazırda düşərgə ərazisinə raketlərin özlərinin, yoxsa hava hücumundan müdafiə sistemlərinin işləməsi nəticəsində yaranan qalıqların düşdüyü hələlik dəqiqləşdirilməyib.