Aİ lideri: İndiki böhranda Rusiya neft-qazına qayıtmaq strateji səhv olardı

Avropa Rusiya neft-qazına qayıtmaqla artan enerji qiymətlərini azaltmağa çalışsa, bu, strateji səhv olardı.

APA xəbər verir ki, bu barədə Avropa Komissiyasının Prezidenti Ursula von der Leyen bu gün Avropa parlamentində çıxışında deyib.

“İndiki böhran şəraitində bəziləri iddia edirlər ki, biz uzunmüddətli strategiyamızdan imtina etməli və hətta Rusiyanın fosil yanacaqlarına qayıtmalıyıq. Bu, strateji bir səhv olardı”, - von der Leyen qeyd edib.

Von der Leyen Aİ-nin enerji alqı-satıq müqavilələrindən daha yaxşı istifadə, dövlət dəstək tədbirləri və qaz qiymətlərinə subsidiya daxil olmaqla enerji tariflərini aşağı salmaq üçün variantlar hazırladığını vurğulayıb.