Aİ Gürcüstanla bağlı əlavə tədbirləri nəzərdən keçirir

Biz Gürcüstanla bağlı başqa nə edə biləcəyimizi düşünürük, belə ki, bu ölkədəki vəziyyət getdikcə daha da ciddiləşir.

APA-nın yerli bürosu xəbər verir ki, bunu Avropa İttifaqının (Aİ) xarici siyasət və təhlükəsizlik məsələləri üzrə ali nümayəndəsi Kaya Kallas deyib.

O xatırladıb ki, Gürcüstan diplomatları üçün Aİ-yə vizasız gediş-gəliş rejimi martın 6-dan dayandırılıb.

Kallas Gürcüstan hökumətinin qətiyyən düzgün istiqamətdə addımlamadığını vurğulayıb.

Qeyd edək ki, Aİ-nin Xarici İşlər Şurasının bu gün keçiriləcək iclasında Gürcüstanla bağlı məsələ də müzakirə olunacaq.