KİV: ABŞ Yaxın Şərqə minlərlə əlavə hərbçi göndərə bilər

Vaşinqton administrasiyası İrana qarşı əməliyyatda iştirak etmək də daxil olmaqla, Yaxın Şərqə minlərlə əlavə ABŞ əsgəri göndərməyi nəzərdən keçirir.

APA xəbər verir ki, bu barədə “Reuters” mənbələrə istinadən məlumat yayıb.

Məlumata görə, bu addım, xüsusən də ABŞ-a neft tankerlərinin Hörmüz boğazından sərbəst keçidini təmin etməyə kömək edə bilər.

Agentliyin məlumatına görə, Vaşinqton administrasiyası İranın Xark adasına qoşun göndərmək imkanını da müzakirə edir.