İranda Hörmüz boğazında gəmilərdən rüsum tutulmasına dair qanun layihəsi hazırlanır

Hörmüz boğazından keçən gəmilərdən rüsum alınması ilə bağlı qanun layihəsi parlamentin gündəmindədir.

Bu barədə “Mehr” Tehrandan olan parlament nümayəndəsinə istinadən məlumat yayıb.

Parlamentdə Hörmüz boğazına dair qanun layihə üzərində iş getdiyi bildirilib.

“Əgər ölkələr Hörmüz boğazından gəmilərin təhlükəsiz hərəkəti, enerji daşınması və ərzaq təhlükəsizliyinin təmin olunması üçün istifadə edəcəklərsə, onlar İran İslam Respublikasına rüsum və vergi ödəməyə məcbur olacaqlar”, - qeyd olunub.