Aİ mütəxəssisləri “Drujba” neft kəmərini yoxlamaq üçün Ukraynadadır

Bu gün Avropa İttifaqının mütəxəssisləri zədələnmiş “Drujba” neft kəmərini yoxlamaq üçün Ukraynadadır.

“Reuters” xəbər verir ki, mütəxəssislər kəmərin vəziyyətini qiymətləndirəcəklər.

Qeyd edək ki, “Drujba”nın yanvar ayda bağlanması Macarıstanın Kiyevə Aİ-dən 90 milyard avroluq kreditin verilməsini bloklamasına səbəb olub.

Avropa İttifaqı Ukraynaya “Drujba” neft kəmərini işə salmaq üçün texniki dəstək və maliyyə yardımı təklif edib. Ukrayna bu təklifi qəbul edib.