Rusiyanın müvəqqəti işlər vəkili Estoniya XİN-ə çağırılıb

Rusiyanın müvəqqəti işlər vəkili Estoniya Xarici İşlər Nazirliyinə çağırılıb.

APA xəbər verir ki, bu barədə Estoniya XİN rəhbəri Marqus Tsahkna “X” hesabında məlumat verib.

Buna səbəb kimi Rusiyanın “Su-30” qırıcısı təyyarəsinin Estoniyanın hava məkanını pozması və orada təxminən bir dəqiqə qalması göstərilib.

Tsahkna bildirib ki, NATO Hava Polisi Missiyası cəld hərəkətə keçib və İtaliya Hərbi Hava Qüvvələrinin təyyarələri əraziyə göndərilib, Estoniyanın təhlükəsizliyi üçün isə heç bir təhdid qeydə alınmayıb.