Rusiya Xarici İşlər Nazirliyi İsrail səfirinə etiraz bildirib - YENİLƏNİB

Rusiya Xarici İşlər Nazirliyi Livanın cənubunda RT televiziya heyətinin raket atəşinə tutulması ilə bağlı İsrailin Moskvadakı səfiri Oded Yosefə etiraz bildirib.

APA-nın Moskva bürosu xəbər verir ki, bu barədə Rusiya XİN məlumat yayıb.

Bildirilib ki, Rusiya hadisənin baş vermə halının hərtərəfli araşdırılmasını və gələcəkdə bu cür halların qarşısının alınmasını tələb edib.

***

12:01

İsrail səfiri Rusiya Xarici İşlər Nazirliyinə çağırılıb.

APA-nın Moskva bürosu xəbər verir ki, səfirin RT-nin jurnalisti Stiv Suininin Livanın cənubunda İsrail atəşi nəticəsində yaralanması ilə əlaqədar Rusiya XİN-ə çağırıldığı bildirilib.

Qeyd edək ki, dünən RT-nin Livan bürosunun rəhbəri Stiv Suini və onun operatorunun efir zamanı raket hücumuna məruz qaldığının görüntüləri yayılıb.

Görüntüdə raketin jurnalistdən bir neçə metr aralıya düşdüyü əks olunub.