Əraqçi Böyük Britaniyanı ABŞ və İsrailin “təcavüzündə” iştirakda ittiham edib

İranın xarici işlər naziri Abbas Əraqçi telefon danışığı zamanı britaniyalı həmkarı İvett Kuperə bildirib ki, ABŞ-ın Böyük Britaniyadakı hərbi bazalardan istifadə etməsi İran İslam Respublikasına qarşı “təcavüzdə iştirak” kimi qiymətləndiriləcək.

Alarabiya-nın məlumatına görə, danışığın dəqiq nə vaxt baş verdiyi açıqlanmayıb.

İran Xarici İşlər Nazirliyinin yaydığı bəyanata görə, Əraqçi qeyd edib: “Bu cür addımlar şübhəsiz ki, təcavüzdə iştirak kimi qiymətləndiriləcək və iki ölkə arasındakı münasibətlər tarixində qeydə alınacaq.”